起個咁o既題都唔芳好野，想講的正是重播中「刑事偵緝檔案」，與姊姊有同感覺得套戲相當「火羅」，第三輯已經是97年的事，不過是八年吧，但比不少90代初的劇更老士，加上張大勇督察外露的演技、流利的普通話、英語，真要問八年前的這套劇為何那麼受歡迎。
八年前的劇如是，現在的更不值一晒，晚上還是睇雜誌或online，算是有得揀吧，無線拍得如此差還不過是順應民意，大家都看重結果多於過程，結果拍出來從初段已得知結局，過程只為拖時間而已，根據二十多年睇劇分析，如果發現以下情節經常出現於劇中，睇到眼火爆：
他鄉遇港人
甲去到外國（可能廠景未定），人生路不熟，有如旅遊特輯的經過唔少景點後（唔知點解會經過法國實會經巴黎鐵塔、荷蘭就風車、花市、泰國就廟...），於街頭上茫然之時，開口問路之際，竟然會彈出幾個中國人然後說：「你都係香港o黎o架?放心我地識聽廣東話...」
小孩碌波出馬路險死環生
於一條平靜的馬路附近，小童乙正在路邊玩波波（一般以11-12歲唔可愛小男孩為主），鏡頭一轉，一大型貨車正「高速」駛來，鏡頭來到車上，司機正打電話或聽歌或睇女，鏡頭回到小孩，忽然屎波甩腳踢出馬路，小孩更On Dog地執波，此時司機才猛然煞車，此刻，一般而言男/女主角會高叫「小心啊！」，結果A：主角飛身勇救小孩，英勇度提升。B：小孩安全但主角受皮外傷，同樣英勇。最最後結果，師拉老臨要出場：「真係多謝晒你啊！」...
其實仲有更多...
2 則留言:
哈哈！其實我最頂唔順阿陶大宇（張大勇），每次叫郭可盈（Jessie）個名的時候，都叫得好難聽，陶大宇會將"Jessie" 叫成「姐時」；而且一對住郭可盈講野，每一句前面都要加「姐時呀！」咁囉！
仲有梁榮忠果Ｄ"摸頸" 的所謂演員賦予俾角色的小動作，0係第一輯之後，愈做愈過份，愈做愈假！程度嚴重有如陶大宇回歸無線大老土之作（講花茶果套野），係唔係都用右手掩眼扮尷尬扮無眼睇一樣。
你講「他鄉遇港人」果Ｄ出國的戲仲離譜啦！不過而家改善左同認真左好多啦！
以前交待出國的戲是這樣的：例如去法國：先影住隻飛機就來起飛行緊個樣，然後個鏡頭就只show一張巴黎鐵塔的硬照，下面寫住「巴黎」，緊住鏡頭一轉就一定係室內景（即廠景），周邊的人同環境一Ｄ都唔講究，如果冇見到佢硬照果格，完全分唔到係邊度囉。
小朋友戲，講起仲火爆！
尋晚睇《隨時斃命》，阿林保怡個仔，小一，竟然同爸爸講：「聽日比賽果Ｄ人係二年同三年班，個個都好似技安咁大舊架...我驚我會輸呀....」
你知道問題0係邊嗎？
問題就是出0係「技安」身上呀！我地聽得明0者，但係乜而家Ｄ小朋友知道邊個係技安架咩？唔係叫「胖虎」咩？？？？？
很長的意見，證明呢個topic多野講。
個人認為最重要係，佢地唔理會「過程」，中段戲會勁dum時間，例如又多個無聊角色登場，反之日韓劇對整個故事都控制得好好多！
「他鄉遇港人」現在時有發生，仲有無線好「興」用巧合橋，例：於往機場中因小意外而碰面，之後搭上同一班機、仲要坐前後位、再要去到外國機場都緣慳一面，最後仲住同一間酒店：「依，乜你都黎呢邊玩/工幹？我地真係有緣... 頂
發佈留言