2006年11月9日星期四

忽然一相

兩年前在韓國故宮前拍得的可愛小孩,都怪T兄你吊起我的旅遊癮,還有令人難忘的S小姐......可惜無假又冇錢,慘

2006年11月7日星期二

我在「文華洋服」造了套西裝






一直有想過要造套西裝,但一直未有此必要,直至...大姊將於今月結婚,試過到尖嘴、金鐘試衫,可惜上身o岩下半截又唔o岩,左度右度下,結果到了老爸(與老爸一齊訂造)找到的「文華洋服」。
這,是一間上海街的洋服店,你以為「觀奇」已經經典,相信「文華」更勝一籌。牆上貼著的,最新都己屬80's的西裝海報,負責人都已有七十多,開店都像有四十多年,但思維的靈活更勝比他小的老爸(打得牌多?),據佢所講本有分店兩間,目前只餘下這總店,仔女亦已大學畢業相信事業亦不俗吧!找這類老店,手工還是主要原因,依然在本地由老師傅造衫,當然比國內製作要好手工,老板還說唔信可上工場參觀(其實我好想的!),當然我信。

選料、度身、試身、再取貨,穿上身時剛剛好貼服的感覺,確是不能言喻(就連恤衫也百多元就可度身訂造,當然亦訂了),當然Cutting未能與新款看齊,最後亦需作改動,但看見衫內「文華洋服」四字,我覺要比甚麼牌子也要有型!
「文華洋服」
上海街176號