2006年2月20日星期一

介紹套戲過你睇---恐懼鬥室



不禁覺得自己Out,到了VCD出了、減價了才睇一套電影,但「恐懼鬥室」確是非一般恐怖電影,值得再推介---兩個男人醒來身處密室,腳有腳鍊、旁有腐屍、手鋸,八小時內你要殺死對方才可自救,睇見專欄作以上介紹---唔睇點得,有睇過的朋友會知,電影恐懼感非完全來自畫面,而係代入角色切身處地的話,恐懼感自然襲來,當中又以兩段回憶一再推高驚慄感,回憶男受害者一段有點像中國的凌遲,女逃脫者的令不禁覺得如果可理性點,對方可能會好過點(手術刀其實可慢慢來,亦已比電鋸、手鋸好,慢慢切對方都有可能保得住命仔。),到了最後果然是令人「啊!」一聲的晃然大悟,3點幾睇唔係幾訓得著,以上段落未睇你唔知我講乜,睇過你就知!(聽聞扮鬼扮馬的Scary Movie會扮恐懼鬥室,想必低B又搞笑。)