2005年5月14日星期六

Financial Direct Insurance Sales Planner Agent....

Financial Direct Insurance Sales Planner Agent....


最近,經常與上列人士「會面」,有自願的、有被騙的、有「偶遇」的(好離譜、咁都得),有舊同事、Part Time同事,老實說,極其不想與以上身份人士對話,因為本來聚舊的話題會慢慢變成「未來與人生」的話題(例如:你有冇女朋友/老婆?會唔會想幾時結婚/買樓/退休?...),不是約出來食飯的嗎?為何食飯要變成攻防戰?


除了保險經紀是小弟主動聯絡外,最近接到一位舊同事(哎也舊上司)的電話,相約出來食飯,心裡亦知不妙,輕輕一問已知他由Sales轉為Financial Planner,但食飯就食飯吧!亦沒甚麼可怕,飯前已落足功夫表明

*冇錢,吃便宜一點*已買保險(可惜還有「位」入。)*工作環境不定,唔會儲錢

可惜我的魚柳意粉只吃了一半,話題已急轉入人生道理,舊同事亦開始從各方試探虛實,找尋切入點,我亦明白眾多話題---目的只有一個,只好放下刀叉迎戰,言談間我說到未買「危疾保」,突然間就自覺---失守了,話題亦訊即轉到各公司危疾保的分別云云...,最後晚飯「吃」上兩個多小時,我卻感到有如下班時的勞累感,還有一點點氣憤---聚舊變成「聚財」,我雖預計有此結果,可惜我總不想落得如此結果。

另一位「偶遇」到的Direct Sales人士亦相當搞笑,事源經常外勤工作的我,未食午飯的情況下總會以Tea代Lunch,在尖沙咀一快餐店,買了食物、最新的Milk雜誌,正想坐下時,冷不防一位西裝骨骨的青年/中年閃身到面前

um...有點印像,是數年前政府臨時工的同事,抱歉是我不其然望著他發光/髮線後移的額角,當日企唔定/年青活潑的他已然變樣,言談間他亦說出自已主要作Dircct Sales工作,主要Sales女性護膚/健康用品,更說有產品服後可化解血管壁的脂肪云云,還分析說自己行的路比同齡朋友快等等,有古怪,原來最後他問:「有興趣上我公司看看嗎?」幸好「工作在身,容易甩身」,但電話號碼還是失守了。

經一番鬥智鬥力,有以下結論

*越來越多銷售人員,但當Sales比Production人多、「塘水滾塘魚」是健康嗎?

*銷售技巧越來越無孔不入,由你出生至死前一分鐘,你都是銷售人員的好客戶。

*幸好家庭成員眾多,兄弟姊妹間早已有大量鬧交實戰經驗,老實說:「你講一句我就知你想點。」旁敲側擊是冇用的。

*面對密集攻擊,曾用上「反客為主」、問返轉頭的方法,但最好還是一早反檯、反面,免自己受苦。

*朋友約食飯是無任歡迎的,但不要邊食飯、邊講人生道理、退休大計吧!

5 則留言:

henryporter 說...

haha,你個哎o也上司我識唔識架先:D~

benxchan 說...

唔話你知,不過小弟唔係做過好多份工! :P

lamkiuwai 說...

遇到保險,你話你破了產,佢就唔會找你,原來一個破產的人係唔可以買保險。

benxchan 說...

都得,歡迎各位提供應對之道!
最新消息,係那位Direct Sales的朋友,打來相約去甚麼豪庭的Club House玩樂...究竟係去玩乒乓波定係游水?康民署沒有嗎?奇怪

陳花 說...

你真慘,不過好在你識應付,俾著我每次只得硬食....

終於申請左blogger啦,我send 左去你icq, 得閒就上來睇下啦
http://neverwhatever.blogspot.com
寫多次俾你啦!!