2006年3月11日星期六

慕尼黑與Fight Club

兩部戲,完全冇關係,不過上星期同一日睇過以上兩齣戲,前者睇完換來一屁股痛(片長兩個多小時),覺得拍得唔錯但此題材太難拍得好(奧運屠殺已過近三十年,話耐其實唔算耐,但我們同輩人(7,80's)都未有深刻回憶,加上猶太人與亞拉伯人鬥爭已久,或許身為一分子會多點共鳴),後者是朋友一直推介,買了VCD後又一直未睇的,還以為太累下未睇完就熄機,怎知睇完Disk 1已欲罷不能,相當令人興奮,好有共鳴。

沒有影評,想講的是

慕尼黑片雖長,但筆者最最喜愛是戲裡70's的場景,正正就是筆者對這年代的感覺,(有幸可於70's最尾一年出生,或者都有點偏愛吧,種種對70年代的回憶都從父親的HOYA舊說明書、皮製相機袋、獵裝樣子皮褸、精鋼手表得回來。)其中歐洲街角睇廚具Showroom一幕最有這種感覺,暖色廚窗、橙色圓點牆磚但外面是歐洲傍晚特藍的天空,正正就是心中的70年代歐洲印像!

兩套沒甚關係電影,不期然都有Cinderella灰姑娘的出現,前者出處唔太記得,後者係啊Brad Pitt話會將咸片剪落Cinderella灰姑娘中,(記得有個剪接方法係將Message、商品剪入片段內,例如每秒30格其中一格放入coca cola圖案,用以鼓動購買意欲,後來因太危險而被禁,但天知現在的電視有否動過手腳。),或者Cinderella灰姑娘已成為娘娘腔、女人型代名詞。另外Fight Club片中都有唔少位被導演動過手腳,如女角出場不久一幕,已經有Brad Pitt圖像閃過,聽其他人講起原來全片都有,導演越玩野、直教筆者越喜愛。

2 則留言:

Tyler Durden 說...

Fight Club 是一齣你越看得多,就越發現得多、領悟得多的電影!我已經看過差不多二十遍了!:)

benxchan 說...

費事睇太多,唔想俾佢影響我物質o既生活,雖只睇一次,但每個片段都好深刻兼有共嗚(作為現代人睇過後理應都好有共嗚)。