因食死貓而OT到趕不上尾班地鐵，只好坐「超速」小巴到銅鑼灣轉通宵巴，知道剛走了班車，只好等多十幾分鐘，興利中心前的站頭，背後不遠處有情侶坐著等車，忽然有一似是自由行的男子問：「去機場的是那一班車？」（像是明知故問，我明明企正N11的站頭，古怪！），我當然回答佢，然後又問，「仲有冇其他車去機場？呢度係唔係軒尼詩道？老人幾多錢？...」（你老板！仲古怪，會唔會係扮自由行，實則思覺失調！」答多兩句，都係指比佢算，佢亦無端走開，相比以下的事，呢件已相對正常。
剛才坐在不遠處梯級上的情侶，忽然跳起追著甚麼似的（袋都唔理），還以為是情侶嘈交，怎知女的像是「上了電」似的叫：「佢用煙頭「辣」我！佢痴線架！」云云，（呢個真係似思覺失調！）後來情侶越行越埋我背後，真以為是賊情侶甚麼，女的在叫：「佢又行埋黎喇！」，像是避開甚麼越企越埋，直搭著我手臂，睇真o的原來真有個年約五十的女子（啊嬸？），邊吸煙邊走近遠處站頭一男子背後有所動作，幸好只抽兩口就放入垃圾筒（可能意識被人注意到。），我還真誤會那對情侶，古怪女子走開後，情侶亦都離開，我亦剛好有車，感覺像是某舊廣告：「At night, peoples come different!」，總之就是古靈精怪，還好車程算快，回家真好！
圖：深夜二時多的灣仔，只有百佳酒店招牌最光最亮！
沒有留言:
發佈留言