一個人的旅行---尖沙咀

一個人的旅行---尖沙咀


行經柯士甸路，閃身經過大廈門口，覺得像是有甚麼不妥，原來是大廈裡面有個像是中式建築「中庭」的地方，後面才是茶餐廳，特別、古怪，但其實大家都習慣了，香港就是這樣。

那一刻感覺很暑假

離開暑假已經好幾年，但那一天大埔公眾泳池的男子更衣室中，游水後的一刻，暑假的悠閑、頹廢感突然又再襲來...

事緣，近來的憂患意識又再加強了，學了十幾年依然游唔到的泳術，又成為學習目標之一，只好麻煩曾當救生員的大埔朋友教路（技術交流，我則向他轉移攝影技術），而正好，約好的大埔公眾泳池正是不少暑期事件的舞台。



一年記得是中一的暑假，在家百無聊賴，收到同?的女同學來電，說：「不如一齊游水吧。」換轉是今日，本人半小時內保證Pack好野上車（地鐵），可惜當年帶點婆媽的我，一邊不知如何是好（一來唔識游水），一邊問會唔會約多幾個人呢，打多幾個電話再問多幾問，人家的熱情（天氣可能都幾熱）都變成火氣，最終都不了了之...如果成事...個場景都幾兩小無猜架...（最新調查結果是，當年的女孩已經結婚產子）

另一件事發生於中四？中五？的暑假，與另一朋友（像是會考後）去了游水，難得考試過後可以完全放鬆，就在憩水池淺水處小睡，記得果日個天相當晴，印像中，那一次的感覺是最最放鬆、舒暢萬分的，真的「感覺良好」。（可惜自從會考炒了，那種感覺難以復再（一段不短時間）...真慘）

究竟，呢個感覺係唔係有乜玄機呢...

怪癖遊戲

雖然覺得「五個怪癖」遊戲好無聊，但一則被人記得而邀請玩已經相當好，二則我為人亦好無聊，好，就將塵封二十多的秘密一次解封！（其實冇乜野的！）

1） 離群獨處
好多時，與同事午膳後，都會用入數、買野之類借口「行開下」，等有私人空間行下、睇下野、去北角碼頭吹吹風（十零分鐘），可能同事會覺得有點古怪，其實都係冇乜野的。（只因單單北角都大把野等你發掘）

2） 尋幽探秘
試過與家人遊北京，旅遊車經過古舊的澡堂，下車後我又自已一個「尋幽探秘」，走路回經過的澡堂影相，結果被狗吠、被人圍，好在解到圍，其實響邊度我都愛「尋幽探秘」的，總係想知那度門後、那座山後、天台上面等等，會唔會別有洞天呢！呵！（其實去過不少危險地方（如放工後自己忽然想買中東頭巾而走入舊重慶大廈商場），幸好是男子漢，總有天不怕地不怕的感覺。）

3） 捽死皮
無聊時總手痕捽面皮，別人總說「捽乜野姐」，結果皮膚越捽越差。

4） 大力「呻鼻涕」
習慣了，總係大力用紙巾夾著鼻哥，再大力呻鼻，可能長期的鼻敏感由此得來，亦多次呻出血（另乞嗤亦相當大聲，我自覺好有氣勢。（有些人總好辛苦地壓到近無聲，再細聲講...Excuse me...，其實掩了咀仲Ex乜姐。）。

5） 戀物癖
可能自小家貧，冇乜玩具（其實都唔少），所以自有經濟能力以來，其本上想買的都會買回來（鍾意咪買law！）、仲係立即果隻，而此癖亦引伸到電子器材、相機方面，而且包裝盒都會保存的，所以開始迫爆小小睡房，門口依然有一袋年幾前讀HD時的功課、多個袋、兩袋新疆手信！

被捲入沒完沒了漩渦來源：
K人

將要捲入沒完沒了漩渦的幸運兒：

Zue

很多Blog人都開始玩了

我的軍旅生涯

我的軍旅生涯

旅行返港，公司不太忙顯得有點清閒，靜下來就想起往事，其中一件經常令小弟回味又自豪（自豪而家想玩都冇），係少年（家陣都係少年）時（10年前）做過參加過義勇軍，正確來說是「皇家香港軍團（義勇軍）」又稱「老防（防衛軍）」（很黑社會的叫法），自從一次大戰就成立，二次大戰保衛過香港、打過日本仔，能夠參加到最後一屆，雖然只是夠年齡當Junior Boy少年領袖團（10年前都係得十幾歲）但已相當榮幸（同過鄧梓豐一車），參加軍團除了學習軍事技巧、紀律外，仲認識了英國的軍事制度、文化（可謂重點），更因而愛上飲奶茶（軍團大量供應），響度除了回憶往事外，更要清楚說明「我參加唔係赤柬，係保衛過香港、捉過I.I.的義勇軍」（一些無聊四經常話赤柬，激死！）。

入隊：

小學年代，電視上依然有「請加入皇家香港軍團」的TVC，初中時代見報紙上有「義勇軍少年領袖團」的相關介紹，已經好想加入，後來見電視（唔知點解係）「婦女新知」（激死）又介紹，自已一個就膽粗粗由大埔老家去到跑馬地體育路的義勇軍總部（現已成為馬會總部）填表加入。
記得加入前要經體能測試，好簡單，就在跑馬地馬場內的運動場跑兩個圈（又好似係千二米），當日著了帆船鞋（當年興）、鬆身老牛，幸好當年少肥肉、跑得快，順利過關（好像唔覺有人唔過關），其後收到信（政府公函面頭仲有軍團印，信件一律冇中文又相當英式！），正式收了小弟，對加入軍團的第一日印像已不太深，記得取得一身制服（Jungle Hat、Beret、迷彩上衫、綠色軍褲、軍Boot、PT uniform）（條褲唔多?身）其後又有集隊（小弟編入了4 Troop），而且第一個受罰的係小弟，只因多咀講多兩句，就立即做了五下掌上壓，此事就成為第一日加入義勇軍最深的印像。

軍事技巧：

雖然，加入的只是少年領袖團（一般周未練習），但已學習得不少軍事技巧，可惜冇格鬥同自由搏擊，唔係真係打得。

英式步操：「By the front quick March」．．．起初星期日到跑馬地，就是學習步操，記得要避開操場內的泊車位又或操到差不多走出馬路，但英式步操整齊，亦比大陸的俄式好看得多，後來入營期間（西貢、粉嶺、石崗、昂船洲），都跟了英籍教官學步操及槍操，雖苦但亦得益不少。

射擊：只試過兩次的實戰射擊，分別在跑馬地總部及石崗軍營，當時採用的L1A1(FN FAL)步槍，重達11磅（M16相信得一半），而且為免受傷Junior Boy都只用改了.22的L1A1，有頑皮的師兄可能見.22不是味兒（原是7.62大口徑），竟然用上近連發的速度（只能點發）射光子彈，相當相當搞笑。（一次在總部需持槍跑上天台的靶場，幻像是好型之際，竟然發生PK事件...此乃後話）。

無線電：一般的無線電技巧，例如「Hello XXX , This is YYY。」，亦試過背上真正的軍用電台，記住「Roger Out」係完結用，唔好下下「Roger」。

遠足：雖然只是採用了愛丁堡公爵獎勵計劃的行山項目，但一班Junior Boy依然要一身戎裝上陣，試過在海下灣有蟹入了營（嚇得我）、在港島跑一邊是引水道一邊是因大霧而不見底的山坡、仲有可能智障（外型有點似）的同Troop少年，唔知點解可引到整個飯兜是黑蟻，好在每人一個兜煮自己的食物。

坐直升機：雖然唔洗點學，但都穿上壓縮氣充氣的救生衣，石崗機場的機師都算唔話得，將大開機門的直升機飛到打側，另一次則由中環坐直升機到西貢露營，相當爽！

攻擊隊型：實習中只有一次，由師兄帶領下一次平原上箭型的進攻，可惜組合得不太成功。

攀石：於港島學校練習，只得一次。

絕對服從：唔算是甚麼技巧，但比以上要學的來得重要，由此亦學得先安靜聆聽、守紀律，亦因此覺得香港人太自由了，將個人自由無限擴大而影響別人的自由（此又乃後話）。

擦鞋：真正的擦鞋，「老防」的軍Boot鞋頭要擦得如鏡面（我總做不到），幸好有師兄加同Troop兄弟教路，起初以鞋油轉圈打底，再以火機燒溶鞋油（輕輕的），最後以濕水的布輕擦、打圈，照計唔鏡面都有光澤的。

實在是太多的開心回憶，唔洗錢有野學、有野玩，仲有大碌炮搞笑（同Troop兄弟），仲有得玩就好！ （當年的兄弟見字請回）

依然健在的軍團會所：http://www.rhkr.org/crhkr/

從美麗的新疆返來了

從美麗的新疆返來了

冇力寫Blog，先做些小統計

*到了烏魯木齊、喀什、布爾津、喀納斯湖、路經阿勒泰一共十天

*認識了兩個法國人、一個北京人、多個維族人、漢人，與他們溝通交談

*一點熱、很曬很乾，但北面的喀納斯入夜後只有約十度，一個人深夜走出，抬頭睇見的星畢生難忘

*食了好味的（食囊）、串燒羊/牛肉、烏市大巴扎街邊的腰粉（像冷麵的東東）

*一個人住了晚酒店、一個人遊了天山、一個人走入烏魯木齊兒童公園、一個人乘飛機走

*喀納斯入夜後只有約十度，一個人深夜走出，抬頭睇見的星畢生難忘（友人睡著了）

*驚覺香港依然相當富裕（相較內陸），但總覺人家活得較快樂

*分別於喀什、烏魯木齊機場遇見同一法國婦人（佢仲話法國人見第二次定必見第三次面）

*照顧發燒、發冷又病了睡了的友人，深夜坐車、坐飛機回首府，真正的面對危機

*入夜後坐包車到阿勒泰趕飛機，旁邊有病了睡著的友人、前面有見面才不久的司機、周圍是剛入夜的無邊荒漠、前後數公里外像是有車燈，覺得好荒涼

*最愛還是喀什的小孩、推我們入巷睇/影佢地跳舞的維族小美女、牛羊巴扎的甜瓜...

太多野想講，有機會一齊交流吧！

重溫跳樓機感覺

早幾日，與友共行灣仔、老銅一帶，見前一日經濟日報報導合和Philips的開倉，男人就是對電子產品有興趣吧，睇睇有否LCD Screen代替小弟老舊的Topcon CRT（最近要拍打才正當顯示）也好，睇完，果然又是「小恩小惠」式開倉，不明白10% off也算是開倉特賣。

不過重遊「老舊的」合和也好，記得小時搭過合和的子彈?「觀光電梯（正確o的講）」，亦即係有玻璃可睇到外面景色的那種（好八十年代的），今次就無無聊聊就與友重溫一下，電梯由十七樓直通六十幾樓，起初，?的速度是慢慢的，後來，當部?高度高過附近的建築物時，開始，覺得有點高了，但上升速度依然是，慢慢的，忽然想起，上次同樣的情況是出現在韓國的跳樓機上（一種慢慢而又寂靜的上升），隻手，就不自覺地捉緊欄杆，而我的朋友更不自覺退後了...其實跳樓機的恐懼感在於機器上升的時間，你唔知佢幾時會停低、然後下降，下次行過灣仔，不如都上去「玩玩」，好天時、景色都想當不錯。

舊居遊

自小學已經想隨身帶部相機，拍低放學時（下午校）見到的夕陽。（大埔的一樣好靚ga） 另外自小覺得大埔人幾識Life Style ，每日返放學途經的林村河絕對靚過城門河，又有真正海濱公園，唔少人都會河邊慢步、談下情之類啦，要繁華有繁華、要美食又有美食，真係好......








星期六，返回舊居大埔，探望中學同學的初生小孩（不禁覺得自己的人生進度何其慢）

起動新疆

六月頭去完新疆女孩的照片




睡在牆上的背囊

Ospery 75L 半個人高的背囊入手，代表住新疆之旅差唔多「去硬」，講下講下成年前已經與同學約定（但原本約定的早已遊完新疆返港...），而家不足一個月就上路，各樣準備都相當充足。

一直響往一遊新疆，源起於可能是中學時代某期中國旅遊的專題，或者，報章上漂亮的新疆姑娘相片，由於種族關係，哈薩克、維吾爾人於當地聚居（哈薩克是遊牧民族，當然有漢人，據說是歷年殖民與流放之果），所以感覺上新疆就是「不像中國領域的中國地方」，好異域，想到可以影好多「人民+地理面貌」的相片就開心，整體感覺就像是人生的一個小探險之旅。（其實兩個女孩去完都沒甚麼問題，加上會買旅遊保險，相信兩個大男人沒甚問題吧！）

一天都係星

住在大嶼山僅有的優點，就係有個大天空

介紹套戲過你睇：Cold Case （鐵証懸案---趕客的中文名）

前幾晚，無聊下的轉台，轉轉下，睇到一個幾特別的畫面「典型的美國「破案類」劇集，但片中人會隨回憶事發經過，畫面中主人翁會隨之而變成回憶中的她（十年甚到幾十年前的她）」表面上看似集以為常的拍攝技巧，但繼續睇落去，差唔多每個與案件有關人物都會用上以上技巧，拍出?又，好睇喎。

舉個例子，上星期的一集，講的是六十年代，黑人少年被幾個成年白人帶上車（只睇到後半集），載往樹林毒打，其中一人將小女兒留於車上（佢當然睇到全程成為証人），女孩目睹過程同時車上收音機正播緊「馬丁路德金」I have a Dream的宣言，最後打至重傷的少年至死不屈，俾人吊死樹上...

結局一幕，當年毒打處死黑人男孩的當然全部落網，幾個男人逐一押下車，而帶下車的都係六十年代的他們（與現今老年身影的畫面交錯出現），當年的小女孩（現在五十歲吧）站在一旁，慢鏡頭加上黑人Soul（騷靈）音樂，講氣氛，確實營做得好好。

最尾一幕，中年的黑人探員帶上鮮花憑吊黑人少年，鮮花放到韆鞦上，呢刻，黑人少年出現了，穿著白色恤衫的他微笑對著同樣少年時代的探員...已經尋冤得雪？姑勿論咁拍成本高幾多（表情上、演技上都要連戲，樣貌就更加，奇怪的是演同一角色的老、少演員可如此相似，選角上相信都有一定難度），這樣表達，實在相當吸引。

久違了的感動：Batman Begins

好唔好睇：六個好（如果五個最高）

本想睇「史密夫決戰史密妻」，友人說更想睇「蝙蝠俠--俠影之謎（Batman Begins）」（中文名唔知點樣），好，就先睇「Batman Begins」吧，一睇，不得了，用41蚊響朗豪睇就更覺超值（講的是朗豪UA音響與畫面）。

有血有肉好多

計起上黎，近代的蝙蝠俠電影（添布頓版Batman起）都有四套之多，珠玉在前，Batman Begins要突破舊有感覺、方向確有難度，要同添布頓比當然又冇可能，今次走寫實確實走對了路。

前段將蝙蝠俠出現情理化（蝙蝠俠處身中國勞改營/監獄，中國熱？），講出蝙蝠俠重點---即係「恐懼」，佢心目中的恐懼，亦都交代到呢種恐懼點解會轉化為「壞蛋」的恐懼（為表達呢種恐懼，音校亦幫助不少），而前段的交差夾集蝙蝠俠「童年、少年（大學時期）、青年（修練中）」的處理亦不俗（個人喜愛此段，尤其持槍想報父母之仇一幕），至此，你話講Batman Begins其實佢呢刻完場你都吹佢唔漲，不過中後段劇情隨之而來，亦未有令人失望，而「原來Batman的道具係冇人要的自家產品」、「奸角心理學家的毒招」都帶點突破，更突破是忍者派首領其實係恐怖份子，娛樂片種，尾段點都要做下高潮位，雖然結果會是意料之內，但一樣令人睇得興奮，至少，你會覺得---「好型」（例如從車廂中逃脫一幕），娛樂片來說已經足夠了（蜘蛛俠一類真的不覺好睇）。

爸爸

上星期與友伴踩車入天水圍探秘，無意中，找到早前早前廣經傳媒介紹的「迷你電單車」車場，離遠已見小女孩（約三歲吧）抱著父親玩「迷你電單車」，雖有少許驚險，但有如此「好玩的爸」確實也相當不錯。

陽光下「又幾靚的村屋」（近屏湖一帶）

無限好的夕陽

與主人啊伯相當似樣的小狗





尾段由工業?走小路入魚塘，一馬當先的我見眾多魚塘門口狗，還自命天不怕地不怕，怎知一轉彎已見為數上十隻的狗群，幸好有村民剛好出門叫住狗隻（兩隻已走到腳邊，不受控），而一回頭「好朋友們」原來早已走到老遠，真是好朋友。

飛虎群英!

是夜（星期日晚），凌晨約1時多，打開電視見到無線重播的電視劇《飛虎群英》，相當搞笑地劇集英文名是直接用個併音「Fei Fu Kwan Ying」，主角係自稱荷李活巨星的甄子丹與關禮傑，我覺得唔應該紅「創世紀」大家改睇呢套，劇情絕對80's冇花冇假重有飛車、槍戰加社團+80年代街景，正！

公司裁走三分一同事的同時，拍下如此美景，世事就是如此快速又無常。

越來越反智

越來越反智

試過幾次同朋友有分歧、爭拗，好多時對方會出現一種集懷疑、歧視、看低一線的眼神，就是先懷疑你的觀點立場，從眼神已一口咬定「你是錯的！」的古怪行為，真的非常古怪，可能是一般人對自己未知的就直覺認定是錯的、不正常的，但那有永遠正確的觀點？！總會有「走錯了」的一刻吧，錯了就虛心改正吧！面對這樣的一些合作夥伴、友人，確是非常辛苦，真的。我的做法是，無傷大雅的事情就由他吧，跌過、痛過自會知甚麼是正確，總好過一直錯下去。

另一樣常見的情況係人們總「理所當然化」，就像我與同事提及Outdoor鞋款，同事就如數家珍一樣講Cat與Timbarland的優點缺點，其實相信好此道者亦不會購買此兩品牌，小弟從Newsgroup資訊早以選購優質價平款式，又如電視劇情節中，翻車意外中，主角離開車箱後必然發生「爆炸」一樣，連編劇都早就相當「理所當然化」。是「速食文化」所以然？資訊都簡化了，變得易消化冇難度。是社會太安穩乎？做錯了多少次也問題不大。資訊發達亦有影響？打過電話、ICQ、MSN問人、上網都「像是」輕易解決。結果是，人們做事缺乏應變力，要捉住隻手教、要餵、要慢慢解釋，真他媽的！最怕就是你唔識要老鳳地要你教，最怕是反智、低智的你又做出「懷疑你」的混帳表情。